bullið mitt;)

Búin að vera.....

Thu, 28 Jun 2007 09:17:46 GMT

Jæja fólk.... ég er svo mikið fyrir að breyta til og fá leið á hlutunum. Eins og staðan er þá er ég komin með leið á þessari síðu og langar að breyta til. Þess vegna lýsi ég yfir að þessi síða er dauð Á þessa síðu verður ekki bloggað meir. Hinsvegar ætla ég að flytja mig um stað... Því bið ég ykkur að fara á :

http://www.kataerla.bloggar.is

Ég bið þá bara að heilsa í bili...
kv. kata

Sól sól skín á mig, vindur...burt með þig

Wed, 27 Jun 2007 09:29:43 GMT

Ágætis veður úti fyrir utan þennan blessaða kalda vind sem er eitthvað í heimsókn núna. Ég reyndar sit bara inni þannig ég veit voða lítið hvort veðrið sé búið að breytast. En ég held í fyrsta skipti síðan ég byrjaði að vinna hérna þá er mér ekki kalt hérna við tölvuna... JEI:)

En ég er pínu skrítin...byrjaði að snýta blóði úr annarri nösinni í gær og svo núna kemur úr báðum. Er bara full af blóði í nösunum en ekkert lekur samt..:$ finn líka bara blóðlykt allan daginn. Ekkert voðalega gaman. En ég vissi ekki að nasir færu á túr? Kannski ég fari bara að troða túrtappa upp í nasirnar á mér.

En jæja, ég hef alltaf jafn mikið að segja, er bara bullandi hér eitthvað þannig ég ætla að láta þetta duga í bili...
kv. kata

Nýtt look

Tue, 26 Jun 2007 09:11:05 GMT

Eins og margir glöggir menn kannski sjá, þá ákvað ég að breyta lookinu aðeins. Ég var komin með hálf ógeð af hinum bláa litnum. Og þar sem ég sjálf er farin að ganga í litríkum fötum þá held ég að það sé í lagi að síðan mín sé svört;)

En Færeyskir dagar verða mjög sennilega ekki, Svana var einmitt að tala um að það hefði verið þvílíkt vesen í fyrra, stúlka dáið og alvarlegt bílslys. Fyrir utan alla ölvunina, lætin og fíkniefnin. Þannig ég prófa þá allavega ekki þetta árið.
Mér finnst stundum eins og klukkan sé að ögra mér og stríða, hún er ekkert smá lengi að ganga hérna í vinnunni, sérstaklega á morgnanna, en svo þegar ég þarf að vera að flýta mér að einhverju þá vill hún ganga extra hratt...:frown:
T.d. núna er ég frekar svöng og bíð bara eftir að kaffið komi...ohh alltaf jafn gaman hjá mér hérna:)

Svo er ég að spjalla við svönu á facebook, kann eiginlega ekkert á þetta, alltaf eitthvað ókunnugt fólk að koma og biðja mig um að vera vinur minn. Ég nenni nú ekki að byrja að babla við eitthvað fólk útí heimi...enskan mín er í sumarfríi;)

o jæja...nú er ég búin að skrifa smá og hita á mér puttana, þá ætla ég að fara halda áfram að vinna.
kv. kata

Mánudagar til múðurs

Mon, 25 Jun 2007 08:52:46 GMT

Þá er enn einn mánudagurinn kominn. Af mér er allt ágætt að frétta, ákvað að verða veik á fimmtudaginn og komst því ekki í afmælið hjá Ástu á föstudaginn:( En svo vaknaði ég bara hress og spræk á laugardaginn og ákvað að bruna í bæinn með Kjartani á kvartmílukeppni. Það var svona frekar mikið rok þarna og urðum við brún eftir moldina sem fauk útum allt.

En svo kom Sunna skvís til okkar og við kíktum út á laugardaginn. Vorum komin heim eitthvað um 9 á sunnudagsmorgun, enda var bara mjög gaman. Kíktum t.d. aðeins í bakaríið áður en við fórum heim að sofa. Svo var voða lítið gert í gær, vorum eitthvað að hangsa og svo fór ég bara að vinna um kvöldið.

Nú fer að styttast í Írska daga, og svo eru víst færeyskir dagar næstu helgi en ég veit nú ekki hvort að maður eigi að eltast við allar hátíðir...kemur allt í ljós.
Kjartan kallinn er svo að missa prófið núna sennilega í þessari viku, var reyndar tekinn 1. apríl afþví Sigga var að plata hann í tilefni dagsins en sektin var bara að koma núna nýlega. Voðalega tíma finnst mér þetta taka...

En jæja, best að þykjast vera dugleg og fara að vinna;)
kv. kata

Lasarus?

Thu, 21 Jun 2007 10:16:33 GMT

Ég er ekki frá því að ég sé að verða veik. Þegar ég vaknaði í morgun var ég alltí einu öll bólgin í hálsinum og utan á eiginlega líka. Samt er ég ekki að hósta, bara hás og röddin einfaldlega skrýtin. Svo eftir að ég kom í vinnuna byrjaði ég að fá beinverki og hausverk, sérstaklega ef ég tala þá líður mér verulega illa. Þannig ég sit bara útí horni að deyja úr kulda og verkjum og reyni að tala ekki við neinn svo það líði ekki yfir mig...;)

Ég japlaði svo á verkjatöflu áðan, ætla að athuga hvort að ég lagist eitthvað, annars verð ég að koma mér heim sennilega. En ég sem ætlaði í bíó í kvöld og afmæli á morgun, má ekki verða veik!!!!

Jæja fólk...ætla að reyna að gera eitthvað til að halda á mér hita. Sit hérna í keng í úlpunni og drekkandi heitt kakó.

kv. Kata

working like usual..

Tue, 19 Jun 2007 15:42:33 GMT

Jæja þá er ég að skrifa í vinnunni eins og vanalega...og að bíða eftir klukkunni eins og vanalega..! Frekar rólegur dagur búinn að vera og eiginlega ekkert að frétta. Veit þess vegna ekki afhverju ég er að blogga...

En Svana er búin að setja spánarmyndirnar á netið þannig ég ætla að reyna að setja eitthvað inn á mína síðu. Hennar myndir eru nefnilega á læstri síðu og ég ætla ekki að leyfa öllum að vita hennar lykilorð....Svo kemur hún í grindavík á morgun að skoða ekki meira né minna en 3 hús:) Svo kemur hún bara eftir ca. mánuð.

En fólk, hvað á ég að gera um versló annað en eyjar?
Hugmyndir takk...

kv. kata

17. júní búinn

Mon, 18 Jun 2007 14:44:52 GMT

17.júní var víst í gær, en ég gerði voðalítið á þeim degi. Vaknaði um hádegið, slappaði af og fór svo að vinna til 8. Svo kom Kjarri beib heim frá Akureyri og við fengum okkur að éta og smá rúnt og svo sofnuðum við bara um 21.30-22.00. Frekar þreyttar manneskjur sem lögðust upp í rúm í gær!
Hann náttúrulega svaf voða lítið alla helgina því hann var á tjaldstæðinu á Akureyri. Þar sem var alls enginn friður. Reyndar er hann þannig að ef hann er fullur og þreyttur þá getur hann sofnað hvar sem er, sama hversu mikill hávaði er í gangi!

En ég, Júlía og Guðrún kíktum á pöbbann á laugardaginn, það var ágætt svosem. Mjög fáir á okkar aldri, aðalega pólverjar og svo eldra fólk. Var samt eitthvað af krökkum sem eru ekkert svo mikið eldri en við. En já, þetta var alveg ágætt svosem...

Svo fer bara að styttast í írska daga:) ég ætla sko þangað.... En fyrst það er farið að styttast í írska daga þá er líka farið að styttast í það að Svana og Hilli eigi að fara útúr húsinu sínu á Selfossi. Þau eru byrjuð að skoða hús í Grindavík og vonandi geta þau fengið eitthvað áður en þau eiga að skila húsinu á Selfossi. (sem er btw 10. júlí)

Talandi um Selfoss, þá er ég að fara þangað í kvöld með Kjarra. Hann er að fara að selja bílinn sinn og það er einn áhugasamur á Selfossi sem vill skoða hann. Og ólíkt sumum, þá ætlar Kjartan að fara með bílinn til hans, ekki láta strákinn koma hingað...Mér finnst það reyndar skrítið, ekki myndi ég eyða pening í einhvern strák sem kaupir svo kannski ekkert bílinn. En jæja, það er enginn eins..sem betur fer líka!

En ætla að halda áfram að vinna...;)

kata

enn önnur helgin komin

Fri, 15 Jun 2007 15:46:55 GMT

Þá er víst föstudagur í dag og enn önnur helgin komin. Ég er enn í vinnunni, er búin að gera það sem ég þarf að gera og er aðalega núna að bíða eftir að klukkan tifi! Gaman að bíða bara...

En vá, svaf nánast ekki neitt í nótt, enda var þetta frekar skrítin nótt. Í gær þegar ég var að fara að sofa talaði Kjartan eitthvað um það að hann væri þreyttur í augunum og sviði í þau, það kemur nú oft fyrir þannig ég fór bara að sofa. Svo vaknaði ég svon 1 og 1/2 tíma seinna við frekar mikil læti. Þá var Kjartan vakandi og kom fullt af skrýtnum hljóðum út úr honum. Þá voru augun búin að versna það mikið að hann gat ekki opnað þau og var með stanslausa stingi og verki í þeim. Við vorum eitthvað heima að reyna að fikta í þeim en svo ákvað ég bara að fara með hann til læknis eða eitthvert, leyst ekkert á þetta. Honum fannst eins og það væru full af rakvélablöðum innan á augnlokunum að skera í augun á honum.
Þannig ég leiddi blinda kallinn minn fyrst á Ránargötuna og vöktum alla þar. Þá kom pabbi hans með þá lausn að þetta væri rafsuðublinda. Það er víst sjúklega vont en ekkert hægt að gera við því. Kjartan fékk sér því bara verkjatöflur og klaka á augun...svo náðum við loks að sofna aftur soldið mikið seinna...og eftir svon 1-1 1/2 tíma svefn þá var maður vaknaður aftur til að fara í vinnunna, Kjartan vaknaði líka og náði meira að segja að opna augun:)

Hann er einmitt einhversstaðar núna á leiðinni á bíladaga. Svo var Sunna að hringja í mig og segja mér að koma...æi ég nenni því bara ekki...:$ Svolítið löt núna þessa daga..(nema þó í því að blogga;) )

En jæja...klukkan gengur þó eitthvað meðan ég er að skrifa...víííí8)

Heyri í ykkur seinna people...
Kata

Duglegheit í gangi hjá minni

Thu, 14 Jun 2007 11:10:00 GMT

Það er nú sjaldan sem koma 2 færslur í einni viku hjá mér, hvað þá í mánuði;) En núna sit ég í vinnunni og það er nánast ekkert að gera. Er búin að vera að setja eitthvað inn í tölvuna en búin með það allt og Bjössi hvergi sjáanlegur. Þannig ég er bara eitthvað að dunda mér og horfa á klukkuna hreyfast. Oft svo leiðinlegt þegar það er ekkert að gera...

Bíladagar svo um helgina og margir úr Grindavík að fara, nema ég. Einhverja hluta vegna þá langar mig ekki, nenni ekki að keyra norður og bara nenni einfaldlega ekki að vera fyrir norðan um helgina. Gæti hinsvegar gist hjá Rannveigu og kíkt á það lið en ég bíð bara betri tíma. Kjartan heldur að ég eigi eftir að skipta um skoðun á morgun, en ég held ekki. Hann má fara með strákunum ég vil bara ekki fara.

Ég og Júlía ætlum þá í staðinn að hafa góða helgi saman, kannski að hjálpa Elínu að gera smá veislu ef hún fer ekki líka norður. Svo kemur Dýrley syss um helgina og gistir hjá okkur Tótu þannig ég hef nóg að gera.

Jæja, hef voða lítið að segja, er aðalega að bulla bara eitthvað hérna.

Bið að heilsa öllum sem vilja fá kveðju,

Kata

Nei hvaða hvaða, ég er bara á lífi:)

Tue, 12 Jun 2007 18:49:10 GMT

Halló halló allir saman.

Jæja, ég er búin að skólanum og náði öllu:) Er meira að segja orðin stúdent í blessuðu íslenskunni, það er nú ágætis léttir skal ég segja ykkur. Svo eftir skólann byrjaði ég að vinna í Kaffitár í Reykjanesbæ. Það er bara mjög fínt að vinna þar, er á lagernum og skiptist á að vera að vinna eitthvað í tölvunni og svo að taka saman pantanir.
Skrapp svo til Spánar í 2 vikur og náði mér í nokkrar freknur. Fólk reyndar að gera grín að mér, segja að maður eigi að koma brúnn heim frá sólarlöndum! En hei, svona er húðin mín bara, mjög lengi á ná sér í lit. Hinsvegar er ég enga stund að missa litinn svo aftur...ekki skemmtileg blanda.

En á Benidorm var bara æðislegt:) Fórum í fullt af görðum, á ströndina og löbbuðum um helling. Fórum einnig í moll þarna og það má segja að ég hafi misst mig smá í þessari ferð:S Keypti mér svo mikið að fötum að ég kom með 39 kg heim, sem eru 19 kg of mikið. En ég var nú ekki ein um það, þurftum öll að borga eitthvað í yfirvigt. Svana og Hilli voru þó með mest, 40 og eitthvað kílóum yfir leyfilega þyngd! Samt fannst mér þau ekki kaupa voða mikið...

Ég er allavega ánægð með ferðina og það sem ég keypti, var allt svo ódýrt þarna úti. Keypti mér t.d. 7 gallabuxur og dýrustu kostuðu 3000þús kr. Þannig þó ég hafi þurft að borga smá í yfirvigt held ég að það hefði kostað hellings meiri pening að kaupa öll þessi föt hér á Íslandi. Svo keypti ég mér náttúrulega líka helling af skóm8)

Jæja, er tiltörulega nýkomin í vinnunni núna og er hjá tengdó að fara að borða, var einmitt verið að kalla á matinn þannig ég ætla að fara að sinna hungurverkjunum.

Ég skal reyna að vera duglegri að blogga eitthvað og láta vita af mér.

kata

Ég hef löglega afsökun núna:)

Fri, 11 May 2007 12:52:16 GMT

Ég er byrjuð í prófum og ég tel það ágæta afsökun fyrir því að vera ekki að blogga. Ég fer reyndar bara í 2 próf í FS og svo fjarnámið. Búin með íslenskuna í FS og fjarnámið en stærðfræðin er á mánudag. Einar ætlar einmitt að koma ég eftir og við ætlum eitthvað að spegúlera í þessari stærðfræði. Ætla að reyna að vera dugleg að læra þannig ég eigi það skilið að kíkja út á morgun;) Júlía ætlar að halda smá afmæli á morgun og svo er mér líka boðið í grill og bjór hjá Steina, er að pæla í að fara fyrst til Steina og svo til Júlíu kellu.

Júlía og Svana syss áttu afmæli í gær, Til hamingju stelpur:) Júlía loksins orðin lögleg, eða 18 ára og Svana bara eldist með árunum; 23. ára. En eins og Svana er búin að vera dugleg að minna á, þá styttist alltaf í Spánarferðina okkar, einungis 12 dagar núna. Ég er búin að vera dugleg að spara til að taka pening með út og eyða, reyndar fór 30þús í sektina en það verður bara að hafa það.

Annars er allt ágætt að frétta af mér núna, búin að vera sól og blíða hér alla vikuna, einmitt þegar maður á að hanga inni og læra undir próf:S En ég er búin að vera að vinna líka á fullu, Guðrún hætti í vinnunni 1. maí og því hef ég verið að taka hennar vaktir líka, semsagt alla daga 2-12. Stelpurnar voru samt duglegar að vinna fyrir mig þegar ég þurfti að læra undir próf. Svo var bara síðasta stóra vaktin mín í gær. Fer að vinna í Kaffitár á mánudag og verð svo bara í sjoppunni þriðja hvert kvöld í sumar. Get nú ekki bara unnið í Kaffitár, verð yfirleitt búin um 4-5 leytið og hvað á ég þá að gera?

En jæja, ætla ekki að skrifa eitthvað voða langt hérna, best að snúa sér aftur að lærdómnum...vera dugleg svo ég geti kíkt út á morgun:) (ekki að nenna því að vera heima að læra á eurovision/kosningarkvöldi)

heyrumst allir saman, og munið nú eftir því að vera dugleg að kvitta... (ég veit að þú Svana ert dugleg við það;) )

kata

Og Kári heldur áfram að blása...

Tue, 24 Apr 2007 19:56:04 GMT

Þvílíkur vindur úti og rigning annað slagið. Ég er að hugsa um að fara til bæjarstjórnar og leggja til að 40 hæða blokkir verði byggðar allt í kringum Grindavík til að aðeins minnka rokið í þessum bæ. Það er svo allt opið hérna í Grindavík. En ég er nú ekki viss um að þeir styðji tillöguna mína!

Núna er ég bara að biða eftir að klukkan verði átta, því ég er að fara í heimapróf í fjarnáminu, eða ég held það allavega.Var sagt í annarbyrjun að prófið yrði 24.april milli 8 og 11 en svo hef ég ekkert heyrt meira. Svo ég er bara á stand by núna.

Helgin var annars fín, þvílíkt stuð á ballinu þó Páll Óskar hafi farið svo í Keflavík að DJ-ast. Raggi Bjarna kláraði þetta þá bara með stæl. Svo fór ég á Kaffi Grindavík og svo á Láka. Langt síðan maður hefur kíkt á Láka...En labbaði heim þaðan í fyrsta skipti en það var nú ekki svo hræðilegt, fyrir utan að ég hljóp smá og fékk svo heiftarlegan hlaupasting að hann er ennþá. Hjúkkan heldur að þetta sé einhver vöðvaslit eða eitthvað svoleiðis...

Svo eru Svana og Melkorka búnar að vera í heimsókn hérna síðan á sunnudag, skritið að hafa allt í einu lítið barn í herberginu sínu. Ég voða mömmuleg, vakna alltaf ef heyrist eitthvað í henni;)

En jæja, ætla að kíkja hvort prófið sé komið...
kv. kata

Og þá er sumarið komið...

Fri, 20 Apr 2007 13:49:09 GMT

Sumardagurinn fyrsti var víst í gær, sól og blíða fylgdi honum en núna er bara rigning og rok. Mættu vera fleiri dagar eins og í gær,maður er kominn með hálfgert leið á þessu íslenska veðri.

Ég fór norður síðustu helgi og þá einmitt kynntist maður íslenska veðrinu vel. Það var alltaf að breytast á leiðinni en við enduðum í sól og blíðu bæði í skagafirði og svo á akureyri. Ferðin gekk bara ágætlega fyrir sig fyrir utan að við þurftum að byrja á því að stoppa í næstum einn og hálfan tíma á Borganesi! Bíllinn, Poloinn sem ég er á, byrjaði allt í einu að pípa á fullu og sagði að handbremsan væri á, en svo var ekki. Við tjekkuðum þá á bremsuvökvanum en alltí lagi með hann. Næsta skref var þá bara að fara með hann á verkstæði. Við vorum ekki alveg að treysta að leggja aftur á stað ef að bremsurnar væru að fara eða eitthvað álíka. En þá kom í ljós að það var einhver nemi bilaður þannig greyið bíllinn hélt bara að handbremsan væri á. Þannig við héldum bara áfram ferðinni með bíbið, sem btw. pípti í 5 mín í hvert skipti sem maður lagði af stað. Getið ímyndað ykkur hversu gaman það var!

Ég keyrði víst aðeins yfir löglegan hraða og löggan stoppaði mig, 30 þús kall í sekt takk fyrir! Svolítið búið að hækka...ég var tekin fyrir 2 árum á sama hraða og þá var það 10þús kall í sekt. En maður verður bara að sætta sig við þetta og keyra löglega. Fæ þá bara minni pening til að eyða úti...:( Ég er einmitt búin að vera að svo dugleg að spara pening til að taka með mér út til Spánar, vil ekki verða peningalaus þarna úti.

Svo er núna bara 6 dagar eftir af skólanum og svo koma bara prófin...get ekki sagt að ég hlakki til þeirra en ég hlakka til þegar þau eru búin! Ég fer reyndar bara í 2 próf í FS og svo fjarnámið, hef aldrei farið í jafn fá próf á ævinni! Yfirleitt hef ég verið að fara í 6-7 próf á hverri önn! Smá lúxus núna...

Var bara að koma úr baði og fer að fara að vinna svo á eftir, svo er ball í festi á morgun og auðvitað mætir maður þangað. Páll Óskar og milljónamæringarnir eru að spila þannig þetta verður pottþétt stuð, Palli klikkar aldrei;)

Jæja, held ég sé búin að babla nóg...fyrir utan að ég gerði svolítið í gær sem var orðið tímabært en ætla ekki að segja frá því strax. Þið sem umgangist mig vitið alveg hvað það var...svolítið erfitt að komast yfir þetta en ég vona að mér líði betur þegar ég næ að komast yfir þetta.

heyri í ykkur fólk,
kata

hopp og hí, trallerí...upp á nefið nú ég sný

Thu, 12 Apr 2007 20:34:51 GMT

Góða kveldið allir saman.

Bíllinn minn greyið er bilaður og rúnta ég bara um núna á 2006 árgerð af Polo sem Svana og Hilli voru svo góð að lána mér:) Kjartan var að rúnta á bílnum mínum á reykjanesinu og keyrði ofan í einhverja holu sem á að vera vegagerðinni að kenna. Tryggingarnar borga ekki neitt þannig ég vona að vegagerðin ætli að borga þetta. En það gengur eitthvað hægt að ná að semja við hana.

Svo eyðilagðist hleðslutækið við tölvuna mína og ég þurfti því að kaupa mér nýtt, vissi nú ekki að þau væru svona ákaflega dýr:S Svo splæsti ég á mig flakkara, einungis 500GB:) Tölvan mín var líka alltaf full, er svo dugleg að vera að downloada einhverju rugli:P

Heyrðu já, ég gleymdi nú alltaf að segja fra því að ég er að fara til Spánar í sumar:) Svana og Hilli voru búin að plana að fara og ákvaðu að bjóða mér að koma með. Ég þáði það náttúrulega með þökkum og förum við í lok maí í 2 vikur. Ég reyndar verð svo skemmtileg við Kjartan að ég skil hann eftir á Íslandi og verð úti á afmælinu hans. Tvítugsafmæli, uss uss... En held nú að hann lifi það af!

Svo er ég að fara norður á morgun með Júlíu og kannski fleirum. Söngvakeppni framahaldsskóla verður á Akureyri á laugardaginn og ætlum við að koma við í Skagafirði á föstudeginum og bruna svo á Akureyri á laugardag. Pabbi ætlar að leyfa okkur að gista á föstudag og svo kúrum við hjá Rannveigu á laugardag. Þetta verður bara stuð...loksins kem ég á Akureyri að hitta gömlu félagana:)

Annars voða lítið að frétta, er bara að bíða eftir að Einar Helgi komi. Eigum víst að skila einhverju leiðinlegu verkefni á morgun sem við erum ekkert byrjuð á:S Maður er alltaf jafn duglegur í skólanum8)

Jæja fólk, við heyrumst bara
kata

Þessi blessaði haus minn...

Fri, 23 Mar 2007 20:05:51 GMT

Alltaf er ég jafn dugleg við að skrifa hérna, þið verðið bara að fyrirgefa það þið sem nennið enn að kíkja hér inn. En vá hvað ég er að verða brjáluð á þessum blessaða haus mínum. Búin að ver með hausverk núna stanslaust í nánast viku og ekkert virkar á hann! Verkjatöflurnar slá smá af í svona hálftíma en svo kemur dúndrandi aftur....arg, á einhver heilbrigðan haus sem vill skipta?

En ég var módel hjá hársnyrtideildinni í FS á miðvikudaginn. Baldur sem átti Mojo var gestakennari og var með sýnikennslu fyrir stelpurnar. Hann fékk algerlega að ráða hvað hann gerði við mig og ég hefði alveg eins endað snoðklippt og ljóshærð. En hann tók asskoti mikið af hárinu og klippti einhverja tískuklippingu í mig. Ég verð nú að segja að ég er asskoti sátt:) Fékk litun og klippingu gefins sem ég er ánægð með. Hann sagði einmitt að þetta hefði kostað um 20þús ef ég hefði farið til hans þegar hann var með stofuna. Ekki slæmt að fá þetta þá frítt segi ég nú bara!

Svo var frænkukvöld í gær hérna hjá Tótu. Gunna, Hildur, Dagný, Soffía og Svana komu. Og náttúrulega Melkorka líka. Það var gaman að hitta þær allar og spjalla. Ég reyndar þurfti að skjótast annað slagið inní herbergi og gera spurningar því ég átti að skila verkefnapakka í fjarnáminu í gær. En það tókst að klára það og gat því aðeins spjallað við þær.

Veit voða lítið hvað ég á annars að segja, er alltaf frekar orðlaus loksins þegar ég ákveð að blogga...Er að fara á vinna á eftir og ætla að reyna að troða í mig nokkrum fleiri verkjatöflum svo ég geti nú hugsað eitthvað í vinnunni!

Jæja, ætla að fara að gera eitthvað af viti og koma mér úr tölvunni, ekki gaman að vera í tölvu þegar hausinn er að kvarta.

Ég skal reyna að vera duglegri að blogga...;)
kv. kata

P.S. Ég prufaði að setja inn nokkrar myndir. Myndavélin mín er búin að vera biluð í nánast ár, þannig þetta eru bara myndir sem ég stal af síðunni hennar Svönu syss og Jóhönnu.